128            TESTAMENTS ENREGISTRÉS AU PAELEMENT DE PARIS          (368)
testament, dont le dit testateur veult et ordonne qu'il soit tres bien paiez, car il perdra à gaigner à la pratique de son office ce pendant.
Item, le dit testateur donna et laissa à messire Guillaume de Coiffy, prébendé à Lengres dessus nommé, pour prier Dieu pour l'ame du dit testateur, xx escus.
Item, au nepveu du dit messire Guillaume, qui fu chappellain du dit testateur à Coiffy, dix escus.
Item, le dit testateur donna et laissa à Guillaume, son petit nepveu, pour luy tenir à l'escole, uc livres Tournois, à prendre parporcion par les mains de ses diz executeurs, chascun an, selon ce qu'il despendra à l'escole.
Item, il donna et laissa à Marguerite, sa niepce, femme de Pierre le Gros, pour ce que elle n'amenda onques gaires de lui, la somme de iic livres Tournois, pour acheter terres ou heritages pour elle, afin, que se elle aloit de vie à trespassement sans hoirs de son corps, que les diz heritages retournassent à ses freres et suers.
Item, le dit testateur donna et laissa à Thevenin de Coiffy la somme de cent et cinquante livres Tournois, avecques une maison que le dit testateur avoit en la rue Gervaise Laurens, et une autre maison en la Vieille Peleterie, aboutissant à icelle, et tout par la forme, maniere et condicions plus à plain contenues et declairées es lettres du don et transport que le dit testateur lui en a fait et passé.
Item, il voult et ordonna que le dit Thevenin ait, et lui soient don­nées et baillées, une douzaine de ses plus petites cueilliers d'argent, et demie douzaine de hanaps cailliers, et autres des meindres.
Item, le dit testateur donna et laissa à son filleul, maistre Jehan Mau­bué, arcediacre de Triguier, son grant hanap doré, où il a ou fons en esmail l'image monseigneur saint Quentin ; et, ou cas que le dit hanap seroit perdus ou aliénez, le dit testateur voult et ordonna qu'il en ait un autre du pris de deux mars d'argent dorez.
Item, il donna et laissa à Jehannin, son filleul, filz Jehan de Montegny, escuier, x escus pour acheter des livres pour lui.
Item, à un autre sien filleul, filz Jehan de Gand, cordouennier, de-